Ўзбекистон 4 та давлатда тўқимачилик савдо уйларини очиши кутилмоқда

Шавкат Мирзиёев маҳсулотларни халқаро бозорларга олиб чиқишга алоҳида тўхталди. Бу ҳақда Президент матбуот хизмати хабар берди.

Машҳур брендлар ўзи ишлаб чиқариш қилмай, балки аниқ талабларни белгилаб, буюртмаларини бунга жавоб берадиган ишлаб чиқарувчиларга жойлаштиради. “Ўзбекистонда ишлаб чиқарилган” ёрлиғи бор маҳсулотлар ташқи бозорларда брендга айланмагани учун арзон сотилмоқда.

Энди маҳсулотларни фақат ўзимиздан чиқиб кетгунича эмас, балки уларни ташқи бозорларда бренд сифатида танитиш учун шароит яратиб бериш зарурлиги таъкидланди.

Савдо саноат палатаси мато, уй текстили, ички кийимлар, гилам, пойабзал , чарм аксессуарлар, қуритилган ва консерваланган мева-сабзавот, қандолат, лак-бўёқ, мармар, чинни, кафел, идиш ва сантехникалар бўйича машҳур брендлар буюртмаларини жойлаштирувчи 30 та сорсинг компанияси билан келишувга эришиб, маҳаллий корхоналар билан боғлаши зарурлиги айтилди.

Шунингдек, келгуси йилда Ханой (Ветнам), Лос (Польша), Иваново (Россия), Прата (Италия) шаҳарларида тўқимачилик савдо уйларини очишга топшириқ берилди.