Шайхонтоҳур ва Олмазор туманларининг айрим ҳудудларида иссиқ сув ва иссиқлик таъминоти вақтинча тўхтатилади. Бу ҳақда Veolia Energy Таshkent компанияси хабар берди.
Маълум қилинишича, Беруний кўчасидаги иссиқлик тармоқларида авариявий таъмирлаш ишлари, тегишли жиҳозларни алмаштириш ишлари олиб борилади. Шу муносабат билан бугун, 16 декабрь куни қуйидаги манзилларда иссиқ сув ва иссиқлик таъминоти вақтинча тўхтатилади:
- Шайхонтоҳур тумани — Хувайдо, Алоқа, Ц-27, Ц-28 даҳалари, Ниёзов, Боғкўча ва Аброр Ҳидоятов кўчалари.
- Олмазор тумани — Вузгородок, Б-1, Б-3, Қорақамиш 2/1 даҳалари, Беруний кўчаси.
Иссиқ сув ва иссиқлик таъминоти авариявий таъмирлаш ишлари тугалланиши билан (тахминан бугун соат 19:00 гача) тикланади.
Veolia Energy Таshkent МЧЖ ХК вақтинчалик ноқулайликлар учун олдиндан узр сўрайди ва иссиқ сув ҳамда иссиқлик таъминотини тезда тиклаш учун ўз томонидан барча зарур чораларни кўради.
Аввалроқ тарифлар ўртасидаги фарқ Тошкент бюджетидан (баъзан республика бюджетидан) субсидиялар ҳисобидан қопланади, яъни нархлар кўтарилиши фуқаролар ва тадбиркорлик субъектларига, шу жумладан, билвосита — уларнинг солиқлари ҳисобига таъсир қилиши айтилганди. 2023 йилда иссиқлик таъминоти корхоналарининг йўқотишларини қоплаш учун давлат бюджетидан 1,8 триллион сўм, 2024 йилда эса 4,5 триллион сўм ажратилиши режалаштирилган. Иссиқлик таъминоти тармоғи ва жамоат транспорти учун тўловлар миқдорининг кескин ошишини 1 октябрдан газ ва электр энергияси нархи ошгани, шу сабабли иссиқлик электр станциялари ва автобуслар ёнилғини оширилган нархларда харид қилаётгани билан изоҳлаш мумкин.
Изоҳ (0)