Япон режиссёри Ҳаяо Миязакининг “Бола ва қарқара” фильми АҚШда дам олиш кунлари 12,8 миллион доллар ишлаб топди ва Шимолий Америка прокатида биринчи ўринни эгаллаган илк аниме бўлди.
Шунингдек, “Бола ва қарқара” фильми Миязакининг АҚШдаги энг кассабоп картинасига ҳам айланди. Таққослаш учун режиссёрнинг мамлакатдаги ундан аввалги “Шамол кўтарилади” фильми умумий прокати давомида 5,2 миллион доллар келтирган.
“Бола ва қарқара” фильмининг премьераси Японияда июль ойида бошланган бўлса, бутун дунё бўйлаб ўтган ҳафтада бошланди.
Маълумот учун, аниме Япон анимацияси бўлиб, бошқа мамлакатлардаги, асосан болалар кўриши учун мўлжалланган мультфильмлардан фарқ қилади. Ишлаб чиқарилган анимеларнинг аксарияти ўсмирлар ҳамда катта ёшдаги томошабинлар учун мўлжалланган.
Изоҳ (0)