Қашқадарё вилоятининг Яккабоғ туманида трансформатор портлаши оқибатида уч нафар бола вафот этгани хабар берилган эди. Ҳокимлик ахборот хизмати буни рад этди ва нотўғри ахборот учун жавобгарлик борлигини эслатди.
Болаларнинг ўлими ҳақида ёзган тармоқ фаоли портлаган трансформатор унинг уйи ёнида бўлганини, болалар эса ўша трансформатор ёнида ўйин ўйнаётганини билдирган.
Интернет фойдаланувчисининг хабарига муносабат билдирган ҳокимлик ахборот хизмати раҳбари Шерзод Ҳасанов воқеани рад этади. Ва хабар муаллифига ёлғон ахборот тарқатиш жавобгарликка сабаб бўлишини маълум қилди.
Ижтимоий тармоқларда Яккабоғ туманида трансформатор портлагани ва мазкур воқеа туфайли ёш болалар вафот этгани ҳақида хабар тарқалди. Туманда бу каби ҳолат асло рўй бергани йўқ, — дейилади ҳокимлик муносабатида.
Қўшимча қилинишча, хабар муаллифи қидирилмоқда ва ижтимоий тармоқларда ёлғон ахборот тарқатгани учун қонунчиликда белгиланган тартибда жавобгарликка тортилиши таъминланади.
Изоҳ (0)