Ачинарли аҳволга келиб қолган 34 та тасвирий санъат асари қайта тикланди, деб хабар бермоқда президент ёрдамчиси Саида Мирзиёева.
Саида Мирзиёеванинг сўзларига кўра, илгари ачинарли аҳволга келиб қолган ва асраб қолиниши учун зарур чоралар кўрилишини талаб қилган 34 та тасвирий санъат асари реставрациядан ўтди. Давлат санъат музейи тўпламларидаги Туркистон авангардига мансуб нодир суратлар Ўзбекистон Маданият ва санъатни ривожлантириш жамғармаси кўмаги билан Патрисия Вергeс-Либаи бошчилигидаги франциялик етакчи мутахассислар томонидан қайта тикланди.
“Юксак маҳорат билан бажарилган бундай ишлар нафақат маданий меросимизни асраб-авайлаш, балки Ўзбекистон музейларининг тўпламларида сақланаётган ноёб санъат дурдоналарини халқаро жамоатчиликка намойиш этишга хизмат қилади.
Хусусан, реставрация қилинган асарлар 2024 йилнинг баҳорида Флоренсиядаги Уффитси галереяси ва Венециядаги Ка Фоскари университетига қарашли кўргазма залларида намойиш этилади”, — дейилади хабарда.
Изоҳ (0)