Ўзбекистонда хизмат кўрсатган артист Райҳон Ғаниева турмуш ўртоғи Фарҳод Алимов билан биргҳаликда “Миллий” телеаканлининг “Иккимиз” кўрсатувида меҳмон бўлди. Кўрсатув давомида Фарҳод Алимов рафиқасининг мухлислар билмайдиган жиҳатлари ҳақида сўзлаб берди.
— Кўпинча болаларни ўқишга жўнатиб, кўчада нонушта қилишга борамиз. Энди танишган ёшларга ўхшаб қаҳва ичиб ўтирамиз. Асосан суҳбатимиз иш ҳақида бўлади. Қандай мавзуда қўшиқ куйлашини маслаҳатлашамиз. Райҳон ҳеч қачон мендан қачон келишимни сўрамайди.
Кечки овқатни бирга танoвул қилиб, суҳбатлашиб ўтиришни биз ҳам хоҳлаймиз. Лекин кечаси ишлаганимиз учун бундай ҳолат камдан кам бўлади. Райҳоннинг вақти бўлганида мен тўй хизматида бўламан, ёки мен уйда бўлсам, Райҳонда тўртта тўй чиқиб қолади.
Райҳонни ярим кунда ҳам соғиниб қолишим мумкин. Чунки унингдек инсон бу дунёда йўқ. Ким нима деса десин, лекин эркак кишининг энг яқин дўсти унинг рафиқаси бўлади.
“Райҳон энди бизнес ҳам қилмоқчи”
— Турмуш қуришдан аввал Райҳон ҳар йили концерт беришга ҳаракат қиларди. Лекин ҳар йили концерт бериш учун дастурнинг 70-80 фоизи янги қўшиқлардан иборат бўлиши керак. Бу эса катта меҳнат. Кейинчалик концертлар оралиғини 2-3 йилга туширдик. Райҳон ўз ишини яхши кўради, лекин бундан буён бошқа иш ҳам қилмоқчи.
“Райҳондан пул йиғишни ўргандим”
—Райҳон менга пул йиғишни ўргатди. У ўзи қўшиқчи эмас, business woman бўлиши керак. У менинг бизнес коучим ҳозирги кунда. Унга уйлангунимча яхши пул ишлаб, яхши машина олиш, саёҳат қилишга қизиқардим. Ҳозир эса машинамни янгилагандан кўра, яна битта уй олиб қўйсам, бир кунимга ярайди, деб ўйлайдиган бўлиб қолганман.
“Райҳон ҳаммага яхши гапиради”
— Мен жуда қаттиққўлман. Райҳон эса ҳеч кимни уришмайди, болаларга ҳам жуда яхши гапиради. “Овқат егиси келмаса, емасин”, дейди. Мен эса битта шапалоқ тушириб, овқатни едиришга ҳаракат қиламан. Чунки бизни ҳам шундай тарбиялашган. Болаларни жуда эркалатиб юбориш керак эмас.
Изоҳ (0)