Олмаота вилояти ҳокимлиги раҳбари ҳостелдаги ёнғинда ҳалок бўлган қозоғистонликларнинг оиласига 1 миллион тенгедан (тахминан 2 минг 174 доллар) пул ажратилишини маълум қилди. Бу ҳақда “Nur.kz” хабар берди.
“Шаҳар ҳокими топшириғига кўра, аввалроқ жасадларни ташиш бўйича ёрдамга қўшимча равишда Қозоғистон вафот этган ҳар бир фуқароси учун 1 миллион тенгедан ажратади. Бугун ҳоким қарорга имзо чекди”, — деди туман ҳокими Айдар Жакибаев.
Унинг қўшимча қилишича, моддий ёрдам фақат қозоғистонлик оилаларга ажратилади — ҳалок бўлганлар орасида Россия ва Ўзбекистон фуқаролари бўлгани учун уларга жасадларни дафн этиладиган жойга олиб боришда ёрдам кўрсатилади.
Ҳостелдаги ёнғин
Олмаотадаги ҳостелда 30 ноябрь куни эрталаб ёнғин содир бўлди. Фавқулодда вазият вақтида ҳостелда 72 киши бўлган. Уларнинг аксарияти эвакуация қилинишга муваффақ бўлган. Қутқарувчилар етиб келгач, 13 кишининг жасадини топган. Икки киши фавқулодда вазият жойидан шифохоналарга етказилган.
Шунингдек, ҳостелда хорижликлар — Ўзбекистон, Ҳиндистон ва Покистон фуқаролари бўлган. Ёнғин оқибатида икки нафар ўзбекистонлик, икки нафар россиялик ҳалок бўлган.
Қозоғистон президенти Қосим-Жўмарт Тўқаев ёнғинда ҳалок бўлганларнинг оила аъзоларига ҳамдардлик билдирди. Шунингдек, у ёнғинга айбдорлар жавобгарликка тортилишини айтди.
Изоҳ (0)