Шерзод Бўриев 28 ноябрь куни Қашқадарё вилоятининг Шаҳрисабз шаҳрига ҳоким этиб тайинланди. Бу ҳақда вилоят ҳокимлиги матбуот хизмати хабар берди.
Тайинловга қадар у Давлат активларини бошқариш агентлигининг Қашқадарё вилояти ҳудудий бошқармаси бошлиғи лавозимида ишлаб келаётган эди.
Шерзод Бўриев 1982 йилда Шаҳрисабз туманида туғилган. У Қарши давлат университети ва Президент ҳузуридаги Давлат бошқаруви академиясида таҳсил олган.
Шаҳрисабз шаҳрига 2020 йилдан ҳокимлик қилиб келган Акром Сулаймонов 2023 йил 26 октябрь куни Деҳқонобод тумани ҳокими лавозимига тасдиқланганди.
Шаҳар ҳокимининг молия-иқтисод ва камбағалликни қисқартириш масалалари бўйича биринчи ўринбосари — Иқтисодий тараққиёт ва камбағалликни қисқартириш бўлими бошлиғи Акамурод Узоқовга шаҳар ҳокими вазифасини вақтинча бажариш юклатилганди.
Изоҳ (0)