Тошкент шаҳрининг Шайхонтоҳур туманида жойлашган Абдулла Қодирий кўчаси Лабзак кўчасидан Шароф Рашидов шоҳкўчасигача бўлган қисмида 24 ноябрь 09:00 дан бошлаб автомобиллар ҳаракати вақтинча қисман чекланади. Бу ҳақда пойтахт ҳокимлиги матбуот хизмати хабар берди.
Қайд этилишича, йўлнинг ушбу қисмида таъмирлаш ишлари амалга оширилади. Ишлар жараёнида йўлнинг бир тарафи ёпилиб, ҳар икки йўналишга ҳаракат йўлнинг иккинчи тарафидан ўтади.
Шунингдек, Яккасарой туманида жойлашган Туроб Тўла ва Фурқат кўчасининг чорраҳасида ҳам жорий таъмирлаш ишлари амалга оширилади. Шу сабабли 24 ноябрь 09:00 дан бошлаб, ишлар жараёнида йўлнинг бир тарафи ёпилиб, ҳар икки йўналишга ҳаракат йўлнинг иккинчи тарафидан ўтади.
“Етказилган ноқулайликлар учун узр сўраймиз ва ҳайдовчилардан айланма йўллардан фойдаланишни илтимос қиламиз”, — дейилади хабарда. Таъмирлаш ишлари қачонгача давом этишига аниқлик киритилмаган.
Август охирларида Тошкент шаҳар Миробод туманидаги Якуб Колас кўчасининг бир қисми автомобиллар ҳаракати учун вақтинча ёпилгани тўғрисида хабар берилганди.
Изоҳ (0)