Суперлига. “Навбаҳор” сафарда “Олимпик”ка имкониятни бой берди

Футбол бўйича Ўзбекистон Суперлигасининг 25-турида “Навбаҳор” 24 ноябрь, жума куни “Олимпик” меҳмони бўлди.

Биринчи бўлим сўнгида Иброҳим Иброҳимов мезбонларни ҳисобда олдинга олиб чиқди.

Иккинчи бўлимда ҳам жамоалар дарвозалар томон бир қанча хавфли вазиятларни яратди. 87-дақиқада эса Шерзод Эсанов узоқда ажойиб зарба билан тошкентликларнинг иккинчи голига муаллифлик қилди. Орадан 2 дақиқа ўтиб, Тома Табатадзе ҳисобни қисқартирди. Учрашув шу ҳисоб билан якунланди ва Тимур Кападзе жамоаси 3 очкони қўлга киритди. Қайд этиб ўтиш жоиз, ўйин якунида “Навбаҳор” футболчиси Лука Чермел қизил карточка олиб, майдонни тарк этди.  

“Олимпик” ушбу ғалабадан сўнг очколари сонини 31 тага етказди ва 9-ўринда бормоқда. Наманган клуби эса 46 очко билан 3-поғонани банд этган. 

Суперлига

25-тур

24 ноябрь, жума

“Олимпик” – “Навбаҳор” 2:1

Голлар: 1:0 — 43 Иброҳим Ибрагимов, 2:0 — 87 Шерзод Эсанов, 2:1 — 89 Тома Табатадзе.

“Олимпик”: 1. Шукрон Йўлдошев, 2. Саидазамат Мирсаидов, 4. Одилбек Абдумажидов, 7. Иброҳим Ибрагимов, 10. Фарруҳ Мухторов (11. Отабек Жўрақўзиев, 75), 21. Саидафзалхон Аҳроров (14. Элдор Бегимов, 75), 23. Абдурауф Бўриев, 29. Александр Зевадинов, 30. Жасурбек Жалолиддинов, 77. Шерзод Эсанов, 81. Асадбек Жўрабоев (37. Алишер Одилов, 67).

“Навбаҳор”: 1. Ўткир Юсупов, 5. Милош Милович, 6. Иброҳим Йўлдошев (31. Лука Чермел, 73), 7. Остон Ўрунов (77. Асадбек Собиржонов, 73), 10. Жамшид Искандеров, 13. Филип Иванович, 14. Жамшид Болтабоев, 17. Аброр Исмоилов (21. Темурхўжа Абдухолиқов, 62), 22. Игор Голбан, 23. Йован Жокич (4. Азимжон Аҳмедов, 73), 91. Тома Табатадзе.

Огоҳлантиришлар: Фарруҳ Мухторов (45+1), Иброҳим Йўлдошев (45+1), Жамшид Болтабоев (50), Жасур Жалолиддинов (69), Шукрон Йўлдошев (82), Лука Чермел (84).

Четлатиш: Лука Чермел (90+8).