Исроил Ғазо сектори шимолига ўтмоқчи бўлган фаластинликларга қарата ўт очди. Бу ҳақда Al-Jazeera телеканали хабар бермоқда.
“Исроил армиясининг Ғазонинг шимолий қисмига ўтмоқчи бўлган фуқароларга қарата ўқ узиши натижасида икки киши ҳалок бўлди, бир киши яраланди”, — дейилади телеканалнинг Telegram-каналида.
Аввалроқ Тимес оф Исраэл нашри ёзганидек, Исроил армияси Ғазо сектори узра анклав шимолига қайтмасликка чақирувчи варақаларни ташлаган — унда айтилишича, мазкур ҳудуд сулҳ даврида ҳам можаро зонаси бўлиб қолмоқда.
Бугун, 24 ноябрь куни маҳаллий вақт билан соат 7:00 да Исроил ва Ғазо секторида ҳукмронлик қилаётган ҲАМАС ҳаракати ўртасида тўрт кунлик сулҳ кучга кирди. Вақтинчалик ўт очишни тўхтатиш бўйича келишув дастлаб 23 ноябрга белгиланган эди, бироқ ҲАМАС Исроилга гаровга олинганлар рўйхатини уларнинг аниқ тафсилотлари билан ўз вақтида тақдим этмади.
Изоҳ (0)