Москвада такси ҳайдовчиси бўлиб ишлаган ва тўрт ой аввал Россия Қуролли кучлари сафида Украинага қарши урушга кетган тожикистонлик эркак ҳалок бўлди. Бу ҳақда Asia-Plus хабар берди.
Маълум қилинишича, Назрулло Жунайдовнинг жасади Москвадаги қариндошларига топширилган. 43 ёшли Тожикистон фуқароси тўрт ой олдин ҳарбий хизматга чақирув қоғози олиб, Украинадаги урушга жўнатилган. Қариндошларига кўра, у 10 ноябрь куни Донецк вилоятида ҳалок бўлган.
Марҳумнинг яқинларидан бири 23 ноябрь куни аноним шартлар асосида Назрулло 25 йил аввал Россия фуқаролигини олгани, шундан сўнг Тожикистон фуқаролигидан воз кечгани ҳақида хабар берган. 15 ноябрь куни ҳарбий хизматчиларга ҳарбий комиссарликдан қўнғироқ келган ва асли тожикистонлик эркак урушда “қаҳрамонларча ҳалок бўлгани” айтилган. Унинг ўлими тафсилотлари номаълум.
“Нарзулло таксида ишлаган. Унга чақирув қоғози келиб, агар жанг қилишдан бош торца, қамоққа олинишини айтишган. У рози бўлишга мажбур бўлган”, — дейди манба.
Марҳумнинг қариндошлари ҳозир унинг жасади билан бирга тобутни Тожикистонга олиб бориш масаласини ҳал қилмоқда. Россия расмийлари унинг уч фарзандига моддий ёрдам кўрсатишни ваъда қилган.
Изоҳ (0)