Шимолий Корея Жанубий Корея билан ҳарбий кескинликни пасайтириш бўйича беш йиллик келишувни узиб, чегарада кучлироқ қуролли кучлар ва янги қуролларни жойлаштиришини айтди. Бу ҳақда Financial Times хабар берди.
“Биз тўхтатилган барча ҳарбий чора-тадбирларни зудлик билан қайта тиклаймиз”, — дейилган КХДР баёнотида ва “шимол ва жануб ўртасида конфликт юзага келган тақдирда “Корея Республикаси” деб аталувчи давлат тўлиқ жавобгарликни ўз зиммасига олиши” ҳақида огоҳлантирилган.
2018 йилда имзоланган Кореялараро кенг қамровли ҳарбий келишув чегарадаги ҳарбий кескинликни камайтиришга қаратилган.
Мавжуд келишувга кўра, давлатлар “бир-бирига қарши барча душманлик ҳаракатларини тўлиқ тўхтатиш”га ваъда берган ва ишончни мустаҳкамлаш бўйича бир қатор чора-тадбирларни, жумладан, Кореялараро чегара яқинида ҳарбий машғулотлар ўтказишни тақиқлаш ва ўқ отиш машқларини чеклашни назарда тутган. Томонлар, шунингдек, айрим хавфсизлик постларини олиб ташлаб, ҳарбий ишонч телефонини ишга туширган.
Аммо таҳлилчиларга кўра, келишув сунъий йўлдош учирилишидан анча олдин жиддий тарангликда бўлган. Сеул бир неча бор Пхеньян ни 2018 йилги келишув шартларини бузганликда айблаган ва юқори мартабали амалдорлар унинг мақсадларига тобора кўпроқ шубҳа қилмоқда.
Шимолий Корея айғоқчи сунъий йўлдош учирди
Шимолий Корея бортида айғоқчи сунъий йўлдоши бўлган баллистик ракетани муваффақиятли учирди. “Малиген-1” сунъий йўлдоши Соҳе космодромидан “Чоллима-1” ракетаси ёрдамида учирилган. Ракета парвози маҳаллий вақт билан тахминан 22:43 да амалга ошган. Ракета берилган маршрут бўйлаб нормал учиб, 705 сония ўтиб орбитага айғоқчи сунъий йўлдошни қўйиб юборган. Жараённи космодромдан Шимолий Корея етакчиси Ким Чен Ин кузатган.
Изоҳ (0)