Фарғона вилоятида пиротехника воситаларини ноқонуний равишда сақлаётган хонадон фош этилди. Бу ҳақда вилоят божхона бошқармаси хабар берди.
Қайд этилишича, Фарғона вилояти божхона бошқармаси Контрабандага қарши курашиш бўлими ходимлари вилоят ДХХ ва Миллий гвардия ходимлари билан ҳамкорликда Қўқон шаҳрида тезкор тадбир ўтказган. Пиротехника воситаларининг ноқонуний айланмасига чек қўйишга қаратилган мазкур тезкор тадбир давомида фуқаро яшаш хонадони белгиланган тартибда холислар иштирокида кўздан кечирилган.
Натижада, хонадон ҳовлисида техника хавфсизлиги қоидаларини қўпол равишда бузиб, ўзи ва ўзгалар ҳаётига хавф солган ҳолда сақланаётган хорижда ишлаб чиқарилган ва тегишли ҳужжатлари бўлмаган дастлабки қиймати 407 миллион сўмлик икки турдаги жами 5 мингдан зиёд пиротехника воситалари борлиги аниқланган.
Мазкур ҳолат юзасидан терговга қадар текширув ҳаракатлари олиб борилмоқда.
Аввалроқ Наманган вилояти Уйчи туманида 31 миллион сўмлик пиротехника буюмларини сотаётган шахслар ушлангани тўғрисида хабар берилганди.
Изоҳ (0)