“ ъМиллий гвардия тўғрисидаъги қонунга ўзгартириш ва қўшимчалар киритиш ҳақида”ги қонун лойиҳаси жамоатчилик муҳокамаси учун эълон қилинди.
Унда Миллий гвардия ҳарбий хизматчилари ва ходимлари махсус воситаларни қўллашда “резина таёқлар” билан биргаликда “махсус таёқлар”дан ҳам фойдаланиши мумкинлиги белгиланмоқда.
Ҳужжатда қайд этилишича, ҳозирги кунда, АҚШ, Франция, Испания, Буюк Британия, Германия, Туркия, Жанубий Корея, Россия, Беларусь давлатларининг ҳуқуқни муҳофаза қилувчи органлари ва махсус бўлинмалари томонидан жамот тартибини сақлаш, оммавий тартибсизликларни бартараф этиш ва ҳуқуқбузарларни қўлга олиш жараёнида резина таёқлар билан биргаликда, телескопик ва пластик таёқлардан кенг фойдаланиб келинмоқда.
Шунингдек, телескопик таёқларни шахсий таркиб хизмати мобайнида йиғилган ҳолатда олиб юриш имкониятига эга бўлиб, металлдан тайёрлангани сабабли, фаол қаршилик кўрсатган тартиббузарларни “бўйсундириш”, “кузатиб олиб кетиш”, совуқ қуролли ҳужумни бартараф этиш, хизмат отларида туриб фойдаланиш учун қулай ҳисобланади ҳамда ундан, зарурат бўлганда “транспорт воситаларининг ойнасини синдиришда” ҳам фойдаланиш мумкин.
Ушбу қонун лойиҳаси муҳокамаси 5 декабргача давом этади.
Изоҳ (0)