Тожикистон ўзининг SomoniGPT номли нейрон тармоғини ривожлантирмоқда. Бу ҳақда республика Ташқи ишлар вазирлиги ахборот ва матбуот бошқармаси бошлиғи ўринбосари Зарина Исмоилзода маълум қилди.
Тожикистонда яратиладиган сунъий интеллект республиканинг маданий ва лингвистик хусусиятларини ҳисобга олади. Тожикистондаги рақамли операторлардан бири 2040 йилгача сунъий интеллектни ривожлантириш бўйича тасдиқланган Стратегияни амалга ошириш доирасида биринчи миллий SomoniGPT нейрон тармоғини ишлаб чиқиш бошланганини эълон қилди.
“SomoniGPT дунёдаги биринчи тожик инновацион модели бўлиб, у аллақачон кенг имкониятларга эга: маълумотларни таҳлил қилиш, моделлаштириш ва матн яратиш. У 20 дан ортиқ тилларни қабул қилади, бироқ барча жавобларни тожик тилида беради, бу эса унинг оммалашишига хизмат қилади”, — дея аниқлик киритди у.
Гарчи бугунги кунда Тожикистонда нейрон тармоқлардан фойдаланувчи кам бўлса-да, расмийлар уларнинг сони яқин йилларда аста-секин ўсиб боришини истисно қилмаяпти.
Тожикистонда сунъий интеллект билан боғлиқ вазият қандай? Ташқи ишлар вазирлигидан жавоб
Айни пайтда АI технологиялари инглиз тилида ишлаб чиқилган бўлиб, тожик журналистикасида улардан фойдаланишда муаммолар юзага келиши мумкин. Республикада ChatGPT ва бошқа сунъий интеллект технологияларидан муваффақиятли фойдаланиш учун уларни ривожлантириш ва тожик тилига мослаштириш зарур.
ТИВ вакили келажакда сунъий интеллектнинг ривожланиши журналистиканинг моҳиятини модернизация қилишга олиб келиши мумкинлигини истисно этмади.
Изоҳ (0)