Бутунжаҳон бокс кенгашининг (WBC) 61-конвенцияси Тошкентда бўлиб ўтмоқда.
Аввалроқ, WBC чемпиони Тайсон Фьюри конвенция доирасида Ўзбекистонга келиши маълум қилинганди. Бироқ, британиялик боксчи конвенция га ташриф буюрмади. WBC президенти Маурисио Сулаймон Фьюрининг нима учун келмагани сабабини очиқлади.
“Тайсон Фьюри ҳам конвенция да иштирок этишга жуда қизиққан эди. Аммо у яқиндагина ўз жангини ўтказди. Боз устига, Тайсон 15 ноябрь куни Лондонда матбуот анжуманида иштирок этиши лозим. Шу сабабдан у Тошкентга кела олмади.
Олександр Усик шу ерда. Уни устига, 16 ноябрь куни биз Майк Тайсонни ҳам кутиб оламиз”, — дейди Маурисио Сулаймон.
Эслатиб ўтамиз, Тайсон Фьюри 28 октябрь куни Френсис Нганнуга қарши рингга кўтарилди. Якунда Фьюри ҳакамларнинг қарорига кўра (94-95, 96-93, 95-94) ғалаба қозонди.
Изоҳ (0)