“Ўзгидромет” дам олиш кунлари ёмғир ёғиши эҳтимоли бўлган ҳудудларни эълон қилди

“Ўзгидромет” 10—12 ноябрь кунлари учун об-ҳаво прогнозини эълон қилди.

Унга кўра, 10 ноябрь, жума куни Ўзбекистон бўйича ҳаво бир оз булутли бўлади, баъзи жойларда ўзгариб туради, ёғингарчилик кутилмайди. Шанба кунига келиб, куннинг иккинчи ярмида Бухоро ва Навоий вилоятларида, кечга томон эса Тошкент, Самарқанд, Жиззах ва Сирдарё вилоятларида ёмғир ёғади. Республиканинг қолган ҳудудларида ёғингарчилик кутилмайди. Якшанба куни фақат кечаси ва эрталаб Фарғона водийси вилоятларида ва Тошкент вилоятининг баъзи жойларида ёмғир ёғади.

10—12 ноябрь кунлари республика бўйича баъзи жойларда шамол 15-20 метр/секундгача кучайиши мумкин.

Тоғолди ва тоғли ҳудудларда 11 ноябрь ва 12 ноябрда кечга томон ёғингарчилик (ёмғир, қор) бўлади, Тошкент вилоятида баъзи жойларида кучли бўлади.

Жума ва дам олиш кунлари ҳаво ҳарорати кечаси 3-8 даража илиқ, кундузи 13-18 даража илиқ бўлиши сақланиб туради.

Тошкентда 10 ноябрда ёғингарчилик кутилмайди. 11 ноябрда кечга томон ёмғир ёғади. 12 ноябрда кечаси ва эрталаб ёмғир ёғади, кундузи ёғингарчилик кутилмайди. Кундуз кунги ҳарорат жума ва шанба куни ҳарорат 16-18 даража илиқ, якшанба куни эса 13-15 даража илиқ, кечаси 4-7 даража илиқ атрофида бўлади.

Шарқий шамол йўналишини ўзгартириб ғарбдан 3-8 метр/секунд тезликда эсади, 11 ноябрда 12-15 метр/секундгача кучайиши мумкин.