Жиззах вилоятидаги “Зарбдор” темир йўл станциясида жойлашган “Ўзбекистон темир йўллари” АЖ Ҳарбийлаштирилган қўриқлаш бошқармаси барча ходимлар ишдан бўшатилиши тўғрисида хабардор қилингани ҳақида видео тарқатилди. “Ўзбекистон темир йўллари” мазкур хабарлар юзасидан маълумот берди.
Қайд этилишича, ушбу вазиятни ўрганиш мақсадида “Ўзбекистон темир йўллари” Касаба уюшмаси, Персонални бошқариш ва кадрлар тайёрлаш бошқармаси ҳамда ҳокимлик ходимларидан иборат ишчи гуруҳ воқеа жойига йўл олди. Суҳбат чоғида ишчи гуруҳ аъзолари юзага келган тушунмовчиликлар учун ходимлардан узр сўраб, уларнинг иш ўрни ва бандлиги ўзгаришсиз қолишига ишонтирди.
Шундай қилиб, Жиззах вилоятидаги “Зарбдор” темир йўл станциясида ҳарбийлаштирилган қўриқлаш ходимларини ишдан бўшатиш билан боғлиқ вазият нотўғри бўлди. Воқеа жойига келган ишчи гуруҳ ишдан бўшатиш режалаштирилмаганини тасдиқлади ва ходимлар ўртасида ишончни тиклаш чораларини кўрди.
Изоҳ (0)