Япония императори Нарухито Абдулазиз Комиловни олий даражадаги орден билан мукофотлади, деб хабар бермоқда ЎзА.
Ўзбекистон президентининг ташқи сиёсат масалалари бўйича махсус вакили Абдулазиз Комилов “Чиқаётган қуёш катта кордон” ордени билан мукофотланди. Мукофот императорнинг Токиодаги қароргоҳида тантанали тарзда топширилган.
“Чиқаётган қуёш катта кордон” ордени — Япониянинг энг қадимий мукофотларидан бири ҳисобланиб, Абдулазиз Комиловга давлатлар ўртасидаги дўстона муносабатларни мустаҳкамлашга қўшган кўп йиллик ҳиссаси учун берилди.
Орденни Япония императори Нарухито бош вазир Фумио Кисида иштирокида топширди. Орден Япониядаги энг қадимги (1875 йилдан бери берилади) ва мамлакатнинг энг олий мукофоти ҳисобланади.
Изоҳ (0)