Украина президенти Владимир Зеленский Россияни Фаластиннинг ҲАМАС гуруҳига ҳомийлик қилишда айблади. Бу ҳақда NBC News хабар берди.
Зеленский Исроил ва ҲАМАС ўртасидаги уруш бирданига иккита можаро учун АҚШдан маблағ ажратишни талаб қилишини айтди. У шу тариқа Россияни иккала урушда, жумладан, ҲАМАСга ҳомийлик қилишда ҳам рол ўйнашда айблади. Сиёсатчи “бутун дунё Яқин Шарқдаги урушни тўхтатиш учун ҳамма нарсани қилиши керак”лигини таъкидлади.
Бундан ташқари, Зеленский “бугун бўлса ҳам, Исроилга боришга тайёрлигини” билдирди. У ташрифнинг эҳтимолий вақти ҳақида гапирар экан, қуйидагиларни қўшимча қилди:
“Буни айтиш қийин, чунки мен уруш кечаётган мамлакатнинг президентиман ва сиз бизнинг жанг майдонимизда вазият жуда қизғин эканини биласиз”.
Шунингдек, Зеленский ҳар қандай мумкин бўлган ташриф Украинадаги “жанг майдонида нима бўлаётганига” ва Исроилдаги можаро зонасини ҳалигача тарк эта олмаган украиналикларнинг ўз ватанларига қайтиш имкониятига боғлиқ бўлишини таъкидлади.
Изоҳ (0)