Бундеслига. “Бавария” турнинг марказий ўйинида “Боруссия Д”ни тор-мор этди, Ҳарри Кейндан ҳет-трик (видео)

Футбол бўйича Германия Бундеслигасининг 10-турида “Бавария” ва “Боруссия Д” 4 ноябрь, шанба куни ўзаро баҳс олиб борди.

Учрашувнинг 4-дақиқасидаёқ ҳисоб очилди. Бурчак зарбасидан узатилган тўпни Даё Упамекано боши билан дарвозага жойлаб қўйди. Орадан 5 дақиқа ўтди ва Ҳарри Кейн ўз номига гол ёздирди.

Иккинчи бўлимда мюнхенликлар яна бир бор дарвозани ишғол қилди. 72-дақиқада Кейн дублни расмийлаштирди. Ўйин сўнгида Ҳарри яна бир бор гол урди ва турнинг марказий ўйинида “Бавария” ғалаба қозонди.

Ушбу ғалабадан сўнг “Бавария” очколари сонини 26 тага етказди ва 2-ўринда бормоқда. “Боруссия Д” 21 очко билан 4-поғонадан жой олган.

Бундеслига

10-тур баҳси

4 ноябрь, шанба

“Боруссия Д” – “Бавария” 0:4

Голлар: 0:1 – 4 Упамекано, 0:2 – 9 Кейн, 0:3 – 72 Кейн, 0:4 — 90+3 Кейн.

“Боруссия Д”: Кобел, Ҳуммелс, Шлоттербек, Рюерсон, Ройс, Забицер, Брандт (Мукоко, 66), Озжан (Нмеча, 57), Вольф (Зюле, 46), Мален (Адееми, 57), Фюллькруг (Аллер, 79).

“Бавария”: Нойер, Мазрауи, Упамекано (Павлович, 60), Ким Мин Чже, Дэвис, Горетцка, Лаймер, Коман, Сане, Мусиала (Шупо-Мотинг, 89), Кейн.

Огоҳлантиришлар: Сане (22), Ҳуммелс (61), Рюерсон (74), Забицер (76), Лаймер (85).