Ўзбекистонга январь октябрь ойларида хорижнинг 19 та давлатидан 22 492 та электромобиль олиб келинган. Бу ҳақда Божхона қўмитаси матбуот хизмати хабар берди.
Қайд этилишича, олиб келинган электромобилларнинг умумий қиймати 582,3 миллион долларни ташкил этиб, ўтган йилнинг мос даврига нисбатан импорт ҳажми 6 баробардан юқори ўсган.
Хитой энг кўп электромобил импорт қилинган мамлакат сифатида етакчиликни сақлаб қолмоқда. Ўтган 10 ойда ушбу мамлакатдан жами 20 642 дона (91,фоиз) электромобиль олиб келинган.
Шунингдек, Гонгконгдан 1258 дона, Бирлашган Араб Амирликларидан 147 дона электромобиль импорт қилинган. Кучли бешликка Жанубий Корея, АҚШ якун ясамоқда, мазкур даватлардан мос равишда 136 ҳамда 134 дона электромобиль олиб келинган.
Ўзбекистонга 2023 йилнинг январь—март ойларида 1 668 дона электромобиль импорт қилинган. Шунингдек, март ойида хорижда ишлаб чиқарилган янги енгил автомобиллар савдоси сезиларли даражада ошгани тўғрисида хабар берилганди. Бир ой ичида “иномарка”лар бўйича битимлар сони 15 фоизга кўпайган ва 2,9 минг донага етган. Февраль ойида эса электромобиллар сотуви 746 донани ташкил этиб, рекорд қайд этган эди.
Иқтисодий тадқиқотлар ва ислоҳотлар маркази томонидан ўтказилган ўрганишларга кўра, июнь ойида енгил электромобиллар савдоси 8,7 фоизга ўсди ва 2,1 мингтани ташкил этган. Тошкент шаҳри электромобиллар савдоси бўйича етакчилигича қолмоқда — 1,6 мингта. Тошкент ва Фарғона вилоятларида мос равишда 105 дона ва 102 дона сотилган.
Изоҳ (0)