Жорий йилнинг 4 ноябрь куни Тошкент шаҳрининг Олмазор ҳамда Юнусобод туманларининг айрим ҳудудларида электр энергияси соат тонгги 05:00 дан 18:00 га қадар вақтинчалик ўчирилади.
Тошкент шаҳрининг Олмазор ҳамда Юнусобод туманларининг айрим ҳудудларини электр энергияси билан таъминловчи 110/35/10 кВ бўлган юқори кучланишли “Юнусобод” подстанциясидаги мавжуд 40 000 кВА бўлган трансформатор қуввати 63 000 кВА бўлган юқори кучланишли янги трансформаторга алмаштириш, электр қурилмаларини ўрнатиш ишлари олиб борилиши ҳамда ушбу ишларни хавфсиз бажариш мақсадида ҳудуддаги 110/10/6 кВли “Бешқўрғон” ва 110/6 кВли Л-ДОК-1 ва Л-ДОК-2 ДОК, 110/6 кВли “Зенит” подстанциялари вақтинча ўчирилади.
Олмазор туманидаги 21-сонли оилавий поликлиника, АЦ-248, руҳий касалликлар шифохонаси, Тери-дерматовенерология диспансери, мактаб, тадбиркорлик субъектлари, шунингдек, “Иброҳим ота”, “Тараққиёт” МФЙ, “Мирпўлатова” МФЙ, “Қорасарой” МФЙ, “О.Ҳотамова” МФЙ, “Ҳасанбой” МФЙларида ҳамда Ибрагимова, Қорасарой, Чуқурсой, Шифокорлар шаҳарчаси, Охунбобоев ҳамда Охунбобоев мавзе ва даҳаларида жойлашган аҳоли хонадонлари ҳамда тадбиркорлик субъектларида чироқ ўчади.
Юнусобод туманининг 6, 7, 8 ва 9-даҳалари, “Исломобод”, “Тикланиш”, “Ҳасанбой”, “Катта Ҳасанбой”, “Регистон”, “Иттифоқ”, “Аҳроробод” МФЙларида ва Ҳасанбой мавзесида ҳамда Korzinka савдо комплексида электр энергияси бўлмайди.
“Ҳудудий электр тармоқлари” АЖ Тошкент шаҳар филиали мазкур таъмирлаш ишлари туфайли электр энергияси таъминотидаги вақтинча узилишлар сабабли истеъмолчилардан узр сўрайди”, — дейилади хабарда.
Изоҳ (0)