Ижтимоий ҳимоя миллий агентлиги Чиноз туманида жойлашган Республика қизлар ўқув-тарбия муассасасида комплекс ўрганиш ишларини олиб борилаётганини маъулм қилди.
Айтилишича, бир неча ҳолатлардан келиб чиққан ҳолда, Тошкент вилоятининг Чиноз туманида жойлашган Республика қизлар ўқув-тарбия муассасасига қизларни қабул қилиниши жараёнини вақтинча тўхтатиб туриш масаласи кўтарилган
“Муассасага 30 октябрдан ўрганиш ишларини бошлаб юборилди. Комплекс ўрганишлар натижаси хулосаси бўйича яқин вақт ичида маълумот тақдим этилади.
Ушбу ўрганишлар Ижтимоий ҳимоя миллий агентлиги директори биринчи ўринбосарининг бевосита назорати остида ўтказилмоқда”, - дейилади агентлик ахборотида.
Ўрганиш ишлари айнан қандай ҳолатлардан келиб чиқиб амалга оширилаётганига ойдинлик киритилмаган.
Маълумот учун, президент Шавкат Мирзиёевнинг 2023 йил 1 июндаги фармонига асосан Ижтимоий ҳимоя миллий агентлиги ташкил этилган.
Агентлик аҳолини ижтимоий ҳимоя қилиш ва ижтимоий хизматлар кўрсатиш соҳасидаги ягона давлат сиёсатини ишлаб чиқиш ва амалга ошириш бўйича ваколатли давлат органи ҳисобланади.
Изоҳ (0)