Тошкент халқаро аэропорти рўпарасидаги йўл ўтказгичга чиқиш олдида жойлашган айлана марказига Ўзбекистон байроғи ўрнатилди.
.jpg)
“Газета.уз”нинг пойтахт ҳокимлигига таяниб ёзишича, флагштокнинг баландлиги 62 метрни ташкил этади, байроқ ўлчами эса 12х24 метр.
Ўзбекистон байроғи атофига баландлиги 16 метрга тенг 38 та флагшток ҳам ўрнатилган бўлиб, уларга 2х4 метр ўлчамдаги байроқлар илинади. Мазкур байроқлар шаҳарда ўтказиладиган миллий ёки халқаро воқеалар ҳамда хорижий делегациялар ташрифларидан келиб чиқиб ўзгариб туради.
Ўзбекистондаги энг баланд давлат байроғи 2019 йилда Фарғонада ўрнатилган. Унинг баландлиги 67 метр бўлиб, ҳажми 20 метрга 10 метрдир. Тошкент шаҳрида 65 метр, Тошкент вилоятида 50 метр, Андижонда 64 метр, Бухорода 65 метр, Навоийда 62,5 метр, Наманганда 35-метр, Самарқандда 60 метр ва Ургутда 62 метр, Қашқадарёнинг Деҳқонобод туманида 40 метр баландликда байроқ ўрнатилган. 2021 йил апрелда Ўзбекистон мустақиллигининг 30 йиллиги арафасида Қаршидаги Мустақиллик майдонида баландлиги 62,5 метрга тенг давлат байроғи ўрнатилиши айтилганди.
Изоҳ (0)