Бахтиёр Ибрагимов Ўзбекистоннинг Австриядаги элчиси этиб тайинланди. Бу ҳақда “Дунё” АА хабар берди.
Бунгача у мамлакатнинг БМТдаги доимий вакили эди.
Бахтиёр Ибрагимов 57 ёшда. Тошкент халқ хўжалиги институтини (ҳозир – Тошкент давлат иқтисодиёт университети) тамомлаган.
У 1992 йилдан бери ТИВ тизимида ишлаб келмоқда. Вазирлик марказий аппаратида, шунингдек, Ўзбекистоннинг АҚШ ва Жанубий Кореядаги элчихоналарида турли лавозимларда фаолият кўрсатган.
Аввалроқ Ўзбекистоннинг Австриядаги элчиси ва ўриндошлик асосида Венгриядаги элчиси бўлган Абат Файзуллаев мамлакатнинг Италиядаги элчиси этиб тайинланди.
Изоҳ (0)