Самарқанд вилояти ҳокимининг тегишли қарори билан Ойбек Ҳамраев Самарқанд вилояти ҳокимининг ўринбосари вилоят инвестициялар, саноат ва ташқи савдо бошқармаси бошлиғи лавозимига тайинланди. Бу ҳақда вилоят ҳокимлиги матбуот хизмати хабар берди.
Ойбек Ҳамраев 1984 йилда Бухоро вилоятининг Бухоро туманида туғилган. Ушбу тайинловга қадар инвестициялар, саноат ва савдо вазирининг ўринбосари лавозимида фаолият юритган. Август охирларида “Юксалиш” умуммиллий ҳаракати Ойбек Ҳамроевни Ўзбекистоннинг 40 ёшгача бўлган истиқболли ёш раҳбар кадрлари рейтингига киритган эди.
Аввалроқ инвестициялар, саноат ва савдо вазири ўринбосари лавозимида ишлаган Олимхон Рустамов Қашқадарё вилояти ҳокимининг ўринбосари — вилоят инвестициялар, саноат ва савдо бошқармаси бошлиғи лавозимига тайинланганди.
Изоҳ (0)