АПЛ. Мерсисайд дербисида “Ливерпуль”нинг қўли баланд келди (видео)

Футбол бўйича Англия Премьер Лигасининг 9-турида “Ливерпуль” 21-октябрь, шанба куни “Эвертон”га қарши баҳс олиб борди. 

Учрашувнинг 18 ва 37-дақиқаларида сариқ карточкалар олган “Эвертон” футболчиси Эшли Янг майдондан четлатилди. Қолган дақиқаларни меҳмонлар бир киши кам бўлиб ўтказди.

75-дақиқада Муҳаммад Салоҳ пенальтини аниқ амалга оширди ва ҳисобни очди. Ўйин сўнгида Салоҳ дублни расмийлаштирди ва Мерсисайд дербисида “қизиллар”нинг қўли баланд келди.

Юрген Клопп шогирдлари ушбу ғалабадан сўнг очколари сонини 20 тага етказди ва мусобақа пешқадамига айланиб олди. “Эвертон” эса 7 очко билан 16-поғонани банд этган.

АПЛ

9-тур

21-октябрь, шанба

“Ливерпуль” — “Эвертон” 2:0

Голлар: 1:0 – 75 Салоҳ (пенальти), 2:0 — 90+7 Салоҳ.

“Ливерпуль”: Алиссон, Александер-Арнолд, ван Дейк, Конате (Матип, 67), Симикас (Нуньес, 62), Собослаи, Мак Аллистер, Гравенберх (Эллиотт, 62), Салоҳ, Диогу Жота, Диас (Гомес, 81).

“Эвертон”: Пикфорд, Янг, Тарковски, Брентуэйт, Миколенко, Ҳаррисон (Кин, 46), Дукуре, Гарнер, Онана (Данжума, 80), Шермити, Келверт-Люин (Бету, 61), Макнил (Паттерсон, 46).

Огоҳлантиришлар: Янг (18), Тарковски (32), Конате (50).

Четлатиш: Янг (37).