“Ўзгидромет” 20—22 октябрь кунларига об-ҳаво прогнозини эълон қилди.
Унга кўра, жума куни Ўзбекистон ҳудудининг катта қисмида кам булутли ва илиқ об-ҳаво сақланиб туради, ҳаво ҳарорати 24-27 даража бўлади. Фақат Қорақалпоғистон Республикаси ва Хоразм вилоятида ва кечга томон Навоий вилояти чўл ҳудудларида баъзи жойларда ёмғир ёғади, ҳарорат 17-22 даражагача пасаяди.
21 октябрь, шанба куни шимоли-ғарбий ҳудудлардан булутлилик Ўзбекистоннинг барча ҳудудларига тарқалади. Навоий ва Бухоро вилоятларида кечаси ва эрталаб, қолган ҳудудларда кун давомида баъзи жойларда ёмғир ёғади. Республиканинг шимоли-ғарбий ҳудудларида ёғингарчилик кутилмайди.
22 октябрь, якшанба куни республиканинг кўпчилик ҳудудларида ёғингарчилик кутилмайди. Фақат Қорақалпоғистон Республикаси ва Хоразм вилоятида ва кечга томон Навоий вилоятида баъзи жойларда ёмғир ёғади. Шамол тезлиги 15-20 метр/секундгача кучаяди, айрим жойларда чанг-тўзон билан кузатилди.
Дам олиш кунлари ҳаво ҳарорати кечалари 7-12 даража, кундуз кунлари 18-23 даража атрофида бўлади.
Тошкентда 20—22 октябрь кунлари ҳаво бир оз булутли бўлади, вақти-вақти билан ўзгариб туради, асосан ёғингарчилик кутимайди, фақат 21 октябрда куннинг иккинчи ярмида бир оз ёмғир ёғиши мумкин. Шамол шарқдан 5-10 метр/секунд тезликда эсади. Ҳарорат кечалари 10-13 даража, кундуз кунлари 20-23 даража бўлади.
Изоҳ (0)