“Чарм-пойабзал ва мўйначилик соҳаларида ислоҳотларни янада жадаллаштириш ва экспорт салоҳиятини ошириш чора-тадбирлари тўғрисида” президент қарори имзоланди.
Унга кўра, чарм-пойабзал ва мўйначилик соҳасида экспорт қилувчи корхоналарни янада қўллаб-қувватлаш мақсадида Ўзбекистоннинг божхона чегараси орқали майда шохли молнинг ярим тайёр чармини олиб чиқишда 2025 йил 1 январга қадар йиғим ундирилмайди.
Экспортни қўллаб-қувватлаш жамғармасининг мавжуд ресурслари доирасида экспортолди ва экспорт билан боғлиқ савдо операцияларини молиялаштириш учун охирги 12 ой мобайнида улар томонидан амалга оширилган экспорт ҳажмидан келиб чиққан ҳолда 2 йил муддатгача:
- экспорт ҳажми 1 миллион АҚШ долларидан 2 миллион АҚШ долларигача бўлганда — 1 миллион АҚШ долларигача;
- экспорт ҳажми 2 миллион АҚШ долларидан 4 миллион АҚШ долларигача бўлганда — 2 миллион АҚШ долларигача;
- экспорт ҳажми 4 миллиом АҚШ долларидан ортиқ бўлганда — 3 миллион АҚШ долларигача миқдорларда молиявий ресурслар ажратилади. Бунда, молиявий ресурслар йиллик 4 фоиз ставкадан (шундан 2 фоизи банк маржаси) ошмаган ҳолда тақдим этилади.
Чарм-пойабзал ва мўйначилик соҳаси корхоналари томонидан хорижда савдо уйи ва дўконини ташкил этиш учун алоҳида қарорларсиз йилига 50 минг АҚШ долларигача маблағни чет элга ўтказишга рухсат берилади.
Шунингдек, ҳужжат билан 2024—2026 йилларда чарм-пойабзал саноатини янада ривожлантириш ва хорижий брендлар билан ҳамкорлик ўрнатиш дастури тасдиқланди.
Изоҳ (0)