Шавкат Мирзиёев Беларуснинг Шанхай ҳамкорлик ташкилотига (ШҲТ) аъзо давлат мақомини олиш бўйича мажбуриятлари тўғрисидаги меморандумни тасдиқлаш тўғрисидаги қарорни имзолади.
![](/static/2023/Nigora/SHHT.jpg)
Президент ТИВга мазкур халқаро шартноманинг кучга кириши учун зарур бўлган барча давлат ички тартиб-таомиллари бажарилгани тўғрисида ШҲТ котибиятига билдиришнома юборишни топширди.
Беларусь ШҲТ аъзоси мақомини олиш учун 2022 йил июль ойида ариза топширганди. Орадан бир йил ўтиб, ташкилотнинг Нью-Деҳлидаги саммитида аъзолик мақомини олиш учун ушбу мамалакатнинг мажбуриятлари тўғрисидаги меморандум имзоланди.
ШҲТ 2001 йил 15 июнда Шанхайда ташкил топган. Дастлаб ташкилот таркибига олтита давлат — Қозоғистон, Хитой, Қирғизистон, Россия, Тожикистон ва Ўзбекистон кирган, 2017 йилда Ҳиндистон ва Покистон ҳам қўшилган. 2023 йилнинг июлида унга Эрон ҳам аъзо бўлди.