Футбол бўйича Евро—2024 саралаш босқичида Португалия Словакия устидан 3:2 ҳисобида зафар қучди.
Учрашувда Криштиану Роналду дубль муаллифига айланди. Шу тариқа Роналду пенальтисиз урилган голлари сонини 700 тага етказди (пенальтилар ҳисобга олинганда — 857 та).
Шунингдек, португалиялик футболчи терма жамоа сафидаги голлари сонини 125 тага етказди ва ўз рекордини янада яхшилаб олди. “Ан-Насср” футболчиси иккинчи ўриндаги Али Дайини (Эрон) 17 та голга, учинчи ўриндаги Лео Мессини (Аргентина) 21 та голга ортда қолдирди.
Роналду Португалия терма жамоаси билан Евопа Чемпионати учун 6 марта йўлланмани қўлга киритди. Бундан аввал 2008, 2012, 2016 ҳамда 2020 йилги турнирларда иштирок этган. 2016 йилда эса Францияни мағлуб этиб, чемпионга айланган.
Изоҳ (0)