Ўртоқлик ўйини. Ўзбекистон Вьетнам устидан ишончли ҳисобда ғалаба қозонди

Футбол бўйича Ўзбекистон терма жамоаси 13-октябрь, жума куни Вьетнам терма жамоасига қарши ўртоқлик ўйини ўтказди.

Учрашувнинг 26-дақиқасида Остон Ўрунов ажойиб зарба билан ҳисобни очди. Биринчи бўлимда бошқа гол урилмади.

Иккинчи бўлим ҳам ўзбекистонликларнинг устунлиги остида ўтди ва 66-дақиқада ҳисоб ўзгарди. Жамшид Искандеровнинг узатмасини Ҳусниддин Алиқулов бош билан дарвозага жойлаб қўйди. Қолган дақиқаларда дарвозалар дахлсиз қолди ва Сречко Катанец шогирдлари ФИФА кунларидаги илк ўйинида зафар қучди.

Эслатиб ўтамиз, Ўзбекистон терма жамоаси 16-октябрь куни Хитойга қарши ўртоқлик ўйинида майдонга тушади. 

Ўртоқлик ўйини

13-октябрь, жума

Вьетнам – Ўзбекистон 0:2

Голлар: 0:1 — 26 Остон Ўрунов, 0:2 — 66 Ҳусниддин Алиқулов.

Вьетнам: 1. Нгуэн Дин Триэу, 2. До Дуй Ман, 8. До Хунг Дунг, 12. Пхан Туан Таи, 15. Нгуэн Дин Бак, 16. Нгуэн Таи Сон, 17. Во Мин Тронг, 18. Пхам Туан Хаи, 19. Нгуэн Куанг Хаи, 20. Буи Хоанг Виэт Ан, 28. Труонг Тиэн Ан.

Ўзбекистон: 1. Ўткир Юсупов (Ботирали Эргашев, 46), 3. Ҳожиакбар Алижонов (22. Аббос Файзуллаев, 58), 5. Рустам Ашурматов (14. Абдуқодир Ҳусанов, 58), 13. Шерзод Насруллаев (4. Фаррух Сайфиев, 46), 15. Умар Эшмуродов (2. Алибек Давронов, 79), 23. Ҳусниддин Алиқулов (18. Абдулла Абдуллаев, 79), 6. Азиз Ғаниев (Азиз Турғунбоев, 46), 9. Одилбек Ҳамробеков (7. Отабек Шукуров, 46), 10. Жалолиддин Машарипов (Жасур Яхшибоев, 58), 11. Остон Ўрунов (8. Жамшид Искандеров, 46), 21. Игор Сергеев (17. Бобир Абдихолиқов, 46).

Огоҳлантириш: Рустам Ашурматов (41).