Тошкент шаҳрида ҳаракатланувчи иккита автобуснинг йўналишига ўзгартириш киритилди. Бу ҳақда “Тошшаҳартрансхизмат” хабар берди.
Хусусан, Ўзбекистон президентининг 2023 йил 16 февралдаги “Жамоат транспорти тизимини ислоҳ қилиш чора-тадбирлари тўғрисида”ги ПҚ-59-сонли қарори ижросини таъминлаш мақсадида, 2023 йил 16-октябр кунидан бошлаб, 89-сонли “Қорасув 1-мавзеси — Чорсу савдо маркази” автобус йўналиши ҳаракати Чорсу савдо маркази бекатидан Пахтакор метроси АШБгача қисқартирилади. Қисқартиришдан сўнг 89-сонли йўналиш “Қорасув 1-мавзеси — Пахтакор метроси” оралиғида ҳаракатланади.
89-сонли йўналиш хизматларидан фойдаланувчи йўловчилар Чорсу савдо марказича етиб олиш учун Пахтакор метроси бекатидан 53, 64, 65-сонли автобус йўналишлари хизматларидан фойдаланиш имконияти мавжуд.
Шунингдек, 16-октябр кунидан бошлаб, 14-сонли “ТТЗ бозори — Тошкент вокзали” автобус йўналиши ҳаракати Юзработ кўчаси бўйлаб ТТЗ автошоҳбекатигача узайтирилади. Узайтиришдан сўнг 14-сонли йўналиш ТТЗ бозоригача ҳаракатланмасдан, “ТТЗ автошоҳбекати — Тошкент вокзали” оралиғида ҳаракатланади.
14-сонли йўналиш хизматларидан фойдаланувчи йўловчилар ТТЗ бозори бекатигача етиб олиш учун 17-сонли автобус йўналиши хизматларидан фойдаланишлари имконияти мавжуд.
Сентябрь бошида “Тошшаҳартрансхизмат” йўловчилардан келиб тушган мурожаатлар асосида қўшимча 7 та янги автобус йўналишлари ташкил этилганини эълон қилганди. Шунингдек, пойтахтда 12-сентябрда тўртта автобус йўналиши қисқартирилган эди.
Изоҳ (0)