Экшн мухлисларини экран қаршисига михлаб қўйган сўнгги йиллардаги энг яхши фильмлар ҳақида гаплашамиз.
“Чегарасизлар 4”
Сентябр ойида “Чегарасизлар 4” жанговар фильми премьераси бўлиб ўтди. Фильмда йиллар ўтиб, Барни Росс жамоаси заифлашгани тасвирланади. Кекса одамлар энди бундай вазифаларни бажара олмайди, янгилар эса етарлича тажрибага эга эмас. Бироқ отряд бошлиғи ҳали битта муаммони ҳал қила олишларига умид қилмоқда: хавфли террорчи Суарто Рахматни тўхтатиш керак.
“Форсаж 10”
Фильмда икки соат давомида Жейсон Момоанинг Вин Дизелни таъқиб қилишини томоша қилиш мумкин. 10 йил олдин Доминик йирик контрабандачининг йўлига тўғаноқ бўлганди, энди эса контрабандачининг меросхўри ундан шафқатсиз қасос олади.
“Жон Уик 4”
Охири йўқ жанглар ва Киану Ривзнинг узун сочлари... Гап қайси фильм ҳақида кетаётганини биласиз. “Жон Уик 4” аввалги қисмларнинг сюжетини давом эттиради. Тўғри, энди уни бошқарув аъзоси Маркиз таъқиб қилмоқда. Бош қаҳрамон яна бир бор хавфдан қутула олармикан?
“Моҳир мерган”
Афсонавий лойиҳанинг давомини кута-кута, мактабни битириб, диплом олиб, оила қуришга ҳам улгурдик. Гап “Моҳир мерган” фильми ҳақида кетмоқда, унда кекса Пит янги авлод профессионал учувчиларни тайёрлайди. Улар орасида унинг вафот этган дўсти Никнинг ўғли Бредли Бредшоу ҳам бор. Учувчилар олдида муҳим вазифа турибди, аммо улар бахтли якундан умид узган.
“Енгилмас жангчи РРР”
1920 йиллар. Британия губернатори Скотт Адилободдаги ўрмонга келади ва Гонд қабиласидан бўлган бир қизни мажбуран олиб кетади. Кейин Кумар Бҳем пайдо бўлади — у қиз бечорани топиб, уни уйига қайтариш учун Деҳлига боради. Полиция ходими Рама Ражу қаҳрамонни қўлга олиш учун кўнгиллилар сафига қўшилади. Кейинчалик душманларнинг тақдири бир-бирига боғланиб, улар қадрдон дўстга айланади.
“Ҳамма ҳар жойда ва бирданига”
“Оскар”нинг 7 тасига эга чиққан “Ҳамма ҳар жойда ва бирданига” фильми ўзининг абсурд қора юмори ва оригинал сюжети учун севиб томоша қилинади. Эвелин кичик кир ювиш хизматини бошқаради ва ишини оила ишлари билан бирлаштира олади. Аёлнинг ҳаёти унинг нусхалари мавжуд бўлган бошқа олам мавжудлигини билганида ўзгаради. Агар Эвелин аралашмаса, дунё тез орада вайрон бўлиши мумкин.
“Трансформерлар: Йиртқичлар юксалиши”
Янги фильмдаги воқеалар 1994 йилда содир бўлади. Археолог Элена Уоллес ичига транспортация калити яширинган музей экспонатини топиб олади. Бу калит бошқа сайёраларга портал очади. Иш пайтида артефакт ўзга оламдагиларни чақирувчи сигнал чиқаради. Айёр террокон ва автоботлар аллақачон Уоллесни қидиришга тушган.
“Ўқдан тез”
“Ўқдан тез” фильмида Бред Питтни таъқиб қилаётган қотиллардан қандай қилиб моҳирлик билан четлаб ўтишини томоша қилинг. Актёр Хонқизининг ёлланма одами ролини ўйнайди, унга янги вазифа юкланган — поезддаги саёҳат пайтида керакли чамадонни ўғирлаш. Ёлланма ўғри бу поездда кетаётган ҳар бир одам жиноятчи эканлигини ҳали билмайди.
Изоҳ (0)