Ханчжоу Олимпия спорт маркази стадионида ХIX ёзги Осиё ўйинларининг тантанали ёпилиш маросими бўлиб ўтди.
Хитой Халқ Республикаси Давлат кенгаши бош вазири Ли Сяннинг таклифига биноан айни пайтда ишчи ташриф билан ушбу мамлакатда бўлиб турган Ўзбекистон бош вазири Абдулла Арипов мазкур тадбирда иштирок этди. Бу ҳақида бош вазирнинг матбуот котиби хабар қилди.
Жорий йилнинг 23-сентябр – 8-октябр кунлари ўтказилган “Ханчжоу-2022”да мамлакатимиз спортчилари муносиб иштирок этди ва 22 та олтин, 18 та кумуш, 31 та бронза медалига сазовор бўлди. Умумжамоа ҳисобида фахрли бешинчи ўринни эгаллади.
Шуни қайд этиш жоизки, бу кўрсатгич ўзбекистонлик спортчиларнинг Осиё ўйинларида шу пайтгача қўлга киритган энг яхши натижасидир.
Изоҳ (0)