Ижтимоий тармоқларда Қозоғистонда балиқ орқали юқадиган касалликка чалинганлар сони ортаётгани ҳақидаги хабарлар тарқалди. Санэпидқўмита мазкур касаллик ҳақида маълумот бериб, бу бўйича мамлакатдаги вазият қандайлигини очиқлади.
Маълум қилинишича, Описторхоз – гижжа касалликлари гуруҳига мансуб табиий ўчоқли биогелминтоз ҳисобланади. Одамлар ва балиқ истеъмол қиладиган ҳайвонлар, шу билан бирга айиқлар мазкур инфекцияни юқтиришга мойил бўлади. Инфекция карп оиласига кирувчи балиқларни хом, ним тузланган ёки иссиқлик билан ишлов берилмасдан истеъмол қилганда юқади. Россия, Украина, Қозоғистон ва Жануби-Шарқий Осиё мамлакатларида описторхоз кенг тарқалган.
Описторхознинг дунёдаги энг катта ўчоғи Об-Иртиш бассейнида жойлашган. Описторхознинг – Оpistorchis viverrini тури Россияда деярли учрамайди, лекин Жанубий-Шарқий ва Жанубий Осиё мамлакатларида, асосан Таиландда кузатилади.
2022 йилда описторхознинг 11520 та ҳолати Россияда қайд этилган бўлиб, касалланиш даражаси 100 минг аҳолига 7,9 ни ташкил этган.
Қозоғистоннинг шимолий ва шимолий-шарқий қисмларида Иртиш дарёси ва унинг ирмоқлари ҳудудларида ҳам описторхоз билан касалланиш ҳолатлари кўплаб учраб туради.
Урал дарёси атрофида ҳам описторхоз билан касалланган балиқлар аниқланган. Одамларда описторхоз билан касалланганлар сони 2002 йилда энг юқори чўққига чиқди. 2521 та ҳолат қайд этилган (100 000 кишига 17 та ҳолат) босқичма-босқич 1225 ҳолатга пасайган. Ундан аввал 2011 йилда 100 000 кишига 7,4 та ҳолатдир.
Ғарбий Қозоғистон округи санитария-эпидемиология назорати бошқармаси 2023 йил бошидан буён 113 та описторхоз ҳолати қайд этилганини маълум қилди. Ўтган йилнинг шу даврига нисбатан 26 фоизга ўсиш кузатилмоқда.
“Шу ўринда юртимизда описторхоз касаллиги билан ҳолатлар кузатилмаганини ва бундай инфекция учрамаслигини маълум қиламиз”, — дейилади хабарда.
Изоҳ (0)