Футбол бўйича Осиё Чемпионлар Лигаси гуруҳ босқичи 2-туридан ўрин олган ўйинда “ОКМК” 2-октябрь, душанба куни “Эйр-Форс”га қарши баҳс олиб борди.
Учрашувнинг 2-дақиқасидаёқ Ироқ клуби ҳисобни очди. Али Жасим Элаиби Раҳимов дарвозасини ишғол қилди. Биринчи бўлим 0:1 ҳисоби билан якунланди.
Иккинчи бўлимда ҳам тезкор гол урилди. Бу сафар Санжар Турсунов 48-дақиқада ўз дарвозасига гол уриб юборди. 81-дақиқада эса Сияваш Ҳақназарий ҳисобни қисқартирди. Қолган дақиқаларда дарвозалар дахлсиз қолди ва “Эйр-Форс” ғалаба қозонди.
Гуруҳнинг иккинчи ўйинида “Ал-Иттиҳод” “Сепаҳон”га қарши баҳс олиб борди.
Эслатиб ўтамиз, олмалиқликлар 1-турда “Ал-Иттиҳод”га 0:3 ҳисобида имкониятни бой берганди.
ОЧЛ
2-тур баҳси
2-октябрь, душанба
“ОКМК” – “Эйр-Форс” 1:2
Голлар: 0:1 — 2 Али Жасим Элаиби, 0:2 — 48 Турсунов (авотол), 1:2 — 81 Ҳақназарий.
“ОКМК”: 25. Валижон Раҳимов, 3. Сардор Раҳмонов (Бахтиёр Қосимов, 90), 7. Дилшод Аҳмадалиев, 9. Рубен Санчез (Акром Комилов 71), 10. Хуршид Ғиёсов, 14. Миржаҳон Мираҳмадов (Мартин Боаке, 46), 15. Ойбек Рустамов, 17. Санжар Турсунов (4. Миржамол Қосимов, 71) 20. Ислом Тўхтахўжаев, 22. Шоҳруҳ Гадоев (Муҳаммаданас Ҳасанов, 90+3), 88. Сияваш Ҳақназарий.
“Эйр Форс”: 20. Муҳаммад Ҳамид, 2. Жаит Маруфи, 8. Ибраҳим Баеш, 10. Али Жасим, 13. Франко Атчоу, 18. Франко Абого, 19. Муҳаммад Қосим, 25. Саад Абдуламир, 40. Бакарий Ндае, 44. Ҳаммуд Машаан, 48. Руслан Ҳаноон.
Огоҳлантиришлар: Руслан Ҳаннон (35), Миржамол Қосимов (76).
Изоҳ (0)