Хитой—Қирғизистон—Ўзбекистон темир йўли қурилиши 2023 йилда бошланиши кутилаётгани ҳақида хабар берилганди. Бироқ қурилиш қолдирилгани айтилмоқда.
Транс-Евросиё ташувлари бўйича халқаро мувофиқлаштирувчи кенгаш бош котибининг маълум қилишича, лойиҳа тайёр, аммо Пекин, Бишкек ва Тошкент ҳозирча молиявий томондан келиша олмаяпти. Бу узоқ вақт талаб қилиши ҳам мумкин. Қирғизистон ва Ўзбекистонда лойиҳани молиялаштириш учун маблағ йўқ.
“Лойиҳа тайёр, аммо Пекин, Бишкек ва Тошкент ҳозирча молиялаштириш бўйича келиша олмаяпти. Бу узоқ вақт талаб қилиши мумкин. Қирғизистон ва Ўзбекистонда лойиҳани молиялаштириш учун маблағ йўқ. Хитой ҳамма нарсани ўзи қуриши мумкин эди, лекин темир йўл муҳим йўналиш эмас. Ундан Европага экспорт қилиш учун фойдаланиш кўзланмаганди, чунки у эрда Транс—Сибир темир йўли ва Достик (Қозоғистон)—Оренбург—Брест йўналиши бўйлаб поездлар қатнови мавжуд”, — дейди у.
Марказий Осиё масалалари бўйича мутахассис Григорий Михайловга кўра, Хитой ва Ўзбекистон ўз улушини тўлаши мумкин, Қирғизистон эса тўлай олмайди. Хитой бериши мумкин. Қирғизистонда давлат кафолати остида кредит бор, лекин президент Садир Жапаров давлат қарзини оширишни ман қилган. Табиий ресурслар билан тўлаш варианти ҳам Қирғизистон учун мос эмас.
Унинг йўналиши аввалроқ 2022 йил сентябр ойида Самарқандда бўлиб ўтган ШҲТ саммити доирасида уч давлат вакиллари томонидан келишилган эди. Жорий йилнинг 29 апрелида темир йўл лойиҳасининг техник-иқтисодий асослари тайёрлиги маълум бўлган. 19 майда эса темир йўл қурилиши бўйича уч томонлама ҳужжат имзоланди.
Изоҳ (0)