Санитария-эпидемиология қўмитаси Ўзбекистонда кимлар гриппга қарши бепул эмланиши тўғрисида маълумот берди.
Вазирлар Маҳкамасининг 2018 йил 23 июлдаги “Грипп юқтириш ва унинг оғир асоратларини бошидан ўтказиш хавфи юқори бўлган аҳоли ўртасида гриппнинг олдини олиш чора-тадбирлари тўғрисида”ги 567-сон қарорига асосан грипп юқтириш ва унинг оғир асоратларини бошидан ўтказиш хавфи юқори бўлган:
- “Меҳрибонлик” уйлари;
- қариялар ва ногиронлар учун “Саховат” интернат уйлари,
- ногиронлар ҳамда ногирон болалар учун “Мурувват” интернат уйлари;
- болалар шаҳарчалари;
- болалар уйлари;
- жисмоний ёки руҳий ривожланишида нуқсони бўлган болалар учун ихтисослаштирилган таълим муассасаларида (мактаблар, мактаб-интернатларда) яшаётган шахслар;
- давлат мактабгача таълим ташкилотлари тарбиячилари,
- умумтаълим мактаблари ўқитувчилари;
- тиббиёт ходимлари;
- давлат мактабгача таълим ташкилотлари тарбияланувчиларига гриппга қарши эмлаш учун вакциналар бепул, давлат бюджети ҳисобидан етказиб берилади.
Бошқа аҳоли вакиллари ўз ҳисобидан, ташкилот ходимлари ўша идора маблағлари ҳисобидан хусусий эмлаш марказлари орқали вакцина олишлари мумкин.
Аввалроқ Санитария-эпидемиологик осойишталик ва жамоат саломатлиги қўмитаси раиси ўринбосари Нурмат Отабеков мамалакатда кўкйўтал бўйича хавотирланишга асос йўқлигини маълум қилганди. Август бошларида эса Отабеков Ўзбекистонда 12 миллион нафар бола миллий эмлаш календари асосида 13 турдаги бошқарилувчи юқумли касалликка қарши эмлангани тўғрисида маълумот берган эди.
Изоҳ (0)