Январь август ойларида 28,2 мингдан ортиқ Ўзбекистон фуқароси ишлаш мақсадида хорижий давлатларга кетган. Бу ҳақда Ташқи меҳнат миграцияси агентлиги хабар берди.
Қайд этилишича, бу ўтган йилга нисбатан 7,5 фоизга кўп. Хорижга кетганларнинг деярли тўртдан уч қисми ёки 20,45 минг киши ташкилий ёллаш доирасида Россияга борган.
Қизиқишга сабаб бўлган йўналишлар бўйича иккинчи ва учинчи ўринларни Жанубий Корея (3,18 минг муҳожир) ва Буюк Британия (1,8 минг) эгаллаган. Кейинги ўринларда - Қозоғистон (812 киши), Германия (387 киши) ва Туркия (194 киши).
Ўзбекистон аҳолисининг 2 миллион нафардан кўп қисми бошқа давлатларда турли соҳаларда меҳнат қилмоқда. Хусусан, энг кўп — 1,5 миллиондан ўзбекистонлик муҳожирлар Россияда ишлайди. 2022 йилда 60 мингга яқин ўзбекистонлик бошқа давлатларга ишлаш учун кетган.
Мамлакатга 2000 йилда мигрантлар ҳисобидан 790 миллион долларлик пул ўтказмалари келиб тушган бўлса, бу кўрсаткич 2022 йилда 8 миллиард долларни ташкил этган.
Изоҳ (0)