Болливуд қироли Шоҳрух Хон бош ролни ижро этган янги ҳинд жангари фильми “Аскар” ўтган ҳафта охирида нафақат Ҳиндистон миллий прокатида биринчи ўринни эгаллади, балки бутун дунё бўйлаб энг юқори даромад келтирган фильмлардан бирига айланди.
62,7 миллион долларлик натижа билан “Аскар” кинокартинаси фақатгина “Роҳибанинг лаънати-2” қўрқинчли фильмига (85,3 миллион доллар даромад келтирган) пешқадамликни бой берди, бироқ бошқа барча рақобатчиларни, жумладан “Адолат тарафдори 3” (23,6 миллион доллар йиғган) жанговар фильмини ҳам ортда қолдирди. Ушбу лойиҳа рейтингда учинчи ўринни эгаллади.
Ҳиндистон жамиятида коррупцияни йўқ қилишга киришган, ота ва ўғил ролини ижро этган Шоҳруҳ Хон иштирокидаги “Аскар” фильмининг премьераси 7 сентябрь куни бўлиб ўтди ва Болливуд рекордини янгилади. Red Chillies Entertainment продюсери тақдим этган маълумотларига кўра, унинг ҳинд тилидаги версияси Ҳиндистонда 9,4 миллион доллар, тамил ва телугу тилидаги дубляжлари эса яна 1,3 миллион доллар йиғган.
Январь ойида прокатга чиққан “Pathan” ҳинд фильмлари бўйича олдинги рекорд ўрнатган кинокартина бўлиб, Ҳиндистонда намойиш этилган илк куниёқ 8,32 миллион доллар ва чет элда яна 4,5 миллион доллар йиғиб, жами 12,7 миллион долларлик жаҳон прокатига эга бўлди.
2023 йилда энг кўп даромад келтирган ҳинд фильмлари
“Аскар” айни дамда “Pathan” (130 миллион доллар даромад тўплаган), “Гадар 2” (81 миллион доллар) ва “Қамоқхона” (76,6 миллион доллар)дан кейин тўртинчи ўринни эгаллаб турибди.
Изоҳ (0)