Шимолий Корея етакчиси Ким Чен Ин деярли тўрт йил ичида илк бор Россияга ташриф буюрди. Бунинг учун у ўзининг севимли транспорт тури — ҳашаматли, оғир зирҳли ва жуда секин ҳаракатланувчи поездидан фойдаланади.
Тhе Washington Post газетасининг ёзишича, Ким Шимолий Корея чегарасидан 300 мил узоқликда жойлашган Владивосток порт шаҳрида президент Владимир Путин билан учрашиш ва Россияга қурол-яроғ етказиб бериш масаласини муҳокама қилиши кутилмоқда.
2011 йилда отаси Ким Чен Ир вафотидан кейин мамлакат раҳбариятини ўз қўлига олганидан бери Ким Чен Ин Шимолий Кореядан ташқарига камдан-кам саёҳат қилади. КХДР коронавирус пандемияси даврида ўзини дунёнинг қолган қисмидан деярли узиб қўйган.
Шуниси эътиборга лойиқки, россиялик дипломатлар 2021 йилда ниҳоят изоляция қилинган Шимолий Кореяни тарк этгач, чегарани кесиб ўтиш учун поезд вагонидан фойдаланган.
Кўпинча Шимолий Корея етакчиси махсус ишлаб чиқарилган поездда дунё бўйлаб саёҳат қилади.
Лаззатли таомлардан Mercedesъгача: ҳашаматли поездда нима бор?
Шимолий Корея элитасидан ташқари озчилик Ким Чен Ин поездида саёҳат қилган. Аммо давлат оммавий ахборот воситалари фотосуратлари, саёҳатчилар ва разведка ҳисоботлари ҳашаматни тасвирлайди.
Поезд таркиблари ташқи томондан яшил ва сариқ рангларда бўялган. Ичкаридан олинган суратларда ялтироқ-оқ интерьер, узун брифинг столлари ва текис экранли мониторлар кўзга ташланади. Айрим тасвирларда қизил чарм стуллар билан жиҳозланган хоналарни кўриш мумкин.
Шимолий Корея раҳбарининг сафари ҳақидаги энг батафсил маълумотлардан бири россиялик расмий Константин Пуликовскийга тегишли бўлиб, у “Шарқ экспресси” номли китобида Ким Чен Ир билан Россиянинг Узоқ Шарқига қилган сафари ҳақида ҳикоя қилган. Пуликовскийнинг китобида таомларнинг кенг танловини ўз ичига олган меню тасвирланган.
“Рус, хитой, корейс, япон ва француз ошхоналаридан ҳар қандай таомга буюртма бериш мумкин эди”, — деб ёзган у.
У Бордо ва Бургундия виноларидан иборат қутилар, шунингдек, тирик омар (катта денгиз қисқичбақаси) борлигини қўшимча қилган.
“Поезддаги саёҳатчиларни ‘кондукторлар’ сифатида таништирилган ёш қўшиқчилар хурсанд қилган”, — деган Пуликовский.
Жанубий Кореянинг Chosun Ilbo газетасида 2009 йилда чоп этилган мақолада айтилишича, поездда бор-йўғи 90 та вагон бор.
Баъзилари транспорт воситаларини ташиш учун мўлжалланган бўлиши мумкин: 2001 йилда Ким Чен Ир билан бирга бўлган бошқа россиялик дипломат Георгий Толорая сафарда иккита зирҳли Мерседес машинаси олиб кетилганини ёзган.
Кимнинг поезди секин ва вайронкор
Ким поезди максимал тезликда соатига 37 миля юра олади. Бу одатда поездга ўрнатилган қўшимча зирҳ ва унинг оғирлиги билан боғлиқ.
Толораянинг айтишича, россиялик техниклар 2001 йилда Ким Чен Ир поездини кўздан кечирганларида, Шимолий Корея етакчиси турар жой ва расмий мақсадларда фойдаланган иккита асосий поезд вагонлари остидан зирҳ плиталарини аниқлаган.
Шунингдек, вагонлар совет давридан келиб чиққан, аммо кейинчалик кучли модернизация қилинган. Поезд саёҳат пайтида кўпинча хавфсизлик сабабли оммавий узилишларга сабаб бўлади.
2009 йилданоқ оммавий ахборот воситалари 100 га яқин хавфсизлик агентлари барча станцияларни эҳтимолий таҳдидлар бор-йўқлигига текширганини ёзган.
Бошқа поездларнинг ҳаракатланишига йўл қўймаслик учун станцияларда электр қуввати узилиб қўйилган. Шунингдек, Совет Иттифоқида ишлаб чиқарилган Ил-76 Ҳарбий ҳаво кучларининг транспорт самолётлари ва Ми-17 вертолётларини ўз ичига олган йирик логистика ёрдам гуруҳи мавжуд.
Битта поезд йўлларнинг хавфсизлигини таъминлаган, учинчи ва охирги поезд эса ёрдамчи ходимлар ва тансоқчиларни ташиган.
Изоҳ (0)