Ўзбекистон Фанлар академиясининг 80 йиллик юбилейи ўтказилади

“Ўзбекистон Республикаси Фанлар академияси ташкил топганлигининг 80 йиллигига бағишланган юбилей тадбирларини ўтказишнинг ташкилий чора-тадбирлари тўғрисида”ги президент қарори қабул қилинди. Бу ҳақда Telegramъдаги “Ҳуқуқий ахборот” канали хабар берди.

Қарорга кўра, Фанлар академиясининг юбилей тадбирлари 2023 йил 12−14 декабрь кунлари Тошкент шаҳрида ўтказилади.

Шунга кўра, “Илм-фан — Янги Ўзбекистон пойдевори” мавзусида халқаро конференция, Инновацион ишланмалар кўргазмаси, Фанлар академиясининг ҳақиқий аъзолигига (академикликка) танлов ва “Ўзбекистон Республикаси Фанлар академиясининг тарихи” экспозицияси ташкил этиш кўзда тутилган.

Шунга кўра, қуйидагилар ташкил этилади:

• “Илм-фан – Янги Ўзбекистон пойдевори” мавзусида халқаро конференция;
• Инновацион ишланмалар кўргазмаси;
• Фанлар академиясининг ҳақиқий аъзолигига (академикликка) танлов;
• “Ўзбекистон Республикаси Фанлар академиясининг тарихи” экспозицияси.

Ўзбекистон Фанлар академияси 1943 йил 4 ноябрда ташкил этилган. 2022 йил ҳолатига кўра, у 40 дан ортиқ илмий бўлимларни, шу жумладан, ташкилий жиҳатдан учта бўлимга бирлаштирилган 36 тадқиқот институтини ўз ичига олади: физика, математика ва техника фанлари; кимёвий, биологик ва геофанлар; ижтимоий ва гуманитар фанлар. Академиянинг учта ҳудудий филиали — Қорақалпоғистон ва Навоий филиаллари, шунингдек, Хоразм Маъмун академияси мавжуд.

2017 йилда Шавкат Мирзиёев Ўзбекистоннинг 32 нафар янги академигини тасдиқлаган эди. Президент, шунингдек, “Ўзбекистон Республикаси Фанлар академиясининг ҳақиқий аъзолари ҳамда собиқ Ўзбекистон қишлоқ хўжалиги фанлари академиясининг ҳақиқий аъзолари ва мухбир аъзолари фаолия­ти­ни янада рағбатлантириш чора-тадбирлари тўғрисида”ги фармонга ҳам имзо чеккан. Фармонга мувофиқ, 2018 йилнинг 1 январидан бошлаб:

• Ўзбекистон Респуб­ликаси Фанлар академиясининг ҳақиқий аъзолари ва собиқ Ўзбекистон қиш­лоқ хўжалиги фанлари академиясининг ҳақиқий аъзоларига энг кам ойлик иш ҳақининг 12 баробари;
• Собиқ Ўзбекистон қишлоқ хўжалиги фанлари академиясининг мухбир аъзоларига энг кам ойлик иш ҳақининг 8 баро­бари миқдорида ойлик гонорар тўланиши белгиланган