NASA роверига ўрнатилган ускуна Марсда кислород ишлаб чиқариш бўйича дунёдаги биринчи тажрибани якунлади. Тостер ўлчамидаги қурилма бир астронавтнинг бир неча соат ишлаши учун етарли миқдорда кислород ишлаб чиқарди.
Қизил сайёрага 2021 йилнинг февралида қўнган Perseverance ровер икки йилдан ортиқ вақт давомида атмосферада карбонат ангидридни ёқиб, оз миқдорда кислород ишлаб чиқарди.
Микротўлқинли печдан катта бўлмаган қурилма ёрдамида 122 грамм кислород ишлаб чиқаришга муваффақ бўлинди, у астронавтга уч соатга етади.
Тахминан 5 грамм кислород бир астронавтни 10 дақиқа нафас билан таъминлаш учун етарли бўлиб, бу Марсда кислород ишлаб чиқарилиши каттароқ миқёсда одамларни қўллаб-қувватлаши мумкин, деган умидни кучайтирмоқда.
NASA маъмурияти раҳбари Пем Мелройнинг сўзларига кўра, 2021 йил апрель ойида биринчи уринишидан буён MOXIE деб номланган қурилма 16 та алоҳида ҳолатда кислород ишлаб чиқарган, бу космик агентликнинг дастлабки режаларидан анча кўп.
“MOXIE нинг таъсирли натижалари шуни кўрсатадики, Марс атмосферасидан кислород олиш мумкин — кислород бўлажак астронавтларни нафас олиш учун ҳаво ёки ракета ёнилғиси билан таъминлашга ёрдам беради. Ой ва Марс ресурсларидан фойдаланиш учун технологияларни ишлаб чиқиш Ойда узоқ муддат қолишни таъминлаш, мустаҳкам Ой иқтисодиётини яратиш ва Марсдаги дастлабки тадқиқот кампаниясини қўллаб-қувватлаш учун ниҳоятда муҳим”, — деди у.
MOXIE энг кўпи билан соатига 12 грамм кислород яратди, бу NASA нинг мақсадидан икки баравар кўп ва камида 98 фоиз тоза. Август ойида ўзининг сўнгги иши давомида асбоб 9,8 грамм кислород ишлаб чиқарган.
Perseverance роверининг асосий вазифаси қадимий микробиал ҳаёт белгиларини излашдан иборат бўлса, MOXIE эса инсоннинг келажакдаги изланишлари учун шароитларни ўрганишга қаратилган.
Изоҳ (0)