Ташқи меҳнат миграцияси агентлиги ёрдамида Жанубий Кореядаги Ўзбекистон фуқароларининг 148 минг доллар пуллари ундириб берилди.
Қайд этилишича, агентликнинг Жанубий Кореядаги ваколатхонаси вакиллари томонидан 2023 йилнинг август ойида 7 нафар Ўзбекистон фуқаросининг мурожаатлари асосида 40 миллион 149 минг 589 корейс вони (30,3 минг доллар) ойлик иш ҳақи ва суғурта маблағларини олишда амалий ёрдам кўрсатилган.
Йил давомида эса ваколатхона томонидан юридик ташкилотлар билан ҳамкорликда Жанубий Кореяда вақтинча меҳнат фаолиятини амалга ошираётган ўзбекистонликларнинг жами 148 минг доллар миқдоридаги суғурта, компенсация ҳамда ойлик иш ҳақи маблағлари ундириб берилишига кўмаклашилган.
Бундан олдин Россияда ишлаётган ўзбекистонликларнинг 36 миллион сўм иш ҳақи, Қозоғистонда 32 нафар Ўзбекистон фуқаросининг 15 миллион тенге миқдоридаги иш ҳақи ундирилгани тўғрисида хабар берилганди.
Изоҳ (0)