Германияда иш ҳақини сақлаб қолган ҳолда иш ҳафтасини тўрт кунгача қисқартириш бўйича тажриба ўтказилади, натижани Intraprenör консалтинг компанияси ва Мюнстер университети олимлари баҳолайди. Бу ҳақда Intraprenör RND агентлигига маълум қилди.
Тадқиқотда турли соҳалардаги 50 дан ортиқ компания иштирок этиши кутилмоқда. 1 сентябрдан тажрибада қатнашиш бўйича аризалар қабул қилинмоқда. 2024 йил 1 февралидан бошлаб қатнашувчи компаниялар ярим йилга 4 кунлик иш ҳафтасига ўтади. Ишчиларнинг маоши эса қисқармайди, сақланиб қолади.
Интрапренöр компанияларга мақбул иш вақтини танлашда ёрдам беради. Барча компаниялар ва ходимлар учун ягона иш модели кўзда тутилмаган.
Тадқиқотнинг илк натижалари 2024 йил май ойида маълум бўлади. Якуний хулосалар эса октябрь ойида эълон қилинади. Ушбу лойиҳа иштирокчи компанияларнинг ўзи томонидан молиялаштирилади. Давлат ёрдами ҳақида хабар берилмаган.
Тажрибанинг асосий мақсади ҳафтасига беш эмас, тўрт кун ишлаётган ходимлар чиндан ҳам ўз ҳаётидан кўпроқ қониқиши, ўзини соғлом ҳис қилиши, шифокорларга камроқ ташриф буюриши ҳамда иш унумдорлиги ўзгармаслигини аниқлашдан иборат.
Изоҳ (0)