Наманганда бир ой аввал ёнғин юз берган Чортоқ деҳқон бозори қайта қурилиб, фойдаланишга топширилди (видео)

Наманганда бундан қарийб бир ой аввал рўй берган ёнғиндан жиддий зарар кўрган Чортоқ деҳқон бозори қайта қурилиб, фойдаланишга топширилди. Бу ҳақда “Дарё” мухбири Азизбек Абдувалиев хабар бермоқда.

Бозорнинг 16 та павильонида 350 та савдо растаси барпо этилиб, сотувчи ва харидорларга қулай шароит яратилди. Озиқ-овқат ва ноозиқ-овқат маҳсулотлари алоҳида жойлаштирилди.

 

 

Мажмуадаги савдо дўконларида ҳам қурилиш-таъмирлаш ишлари олиб борилиб, атроф ободонлаштирилди. Дарвозадан киришда фавворалар ишга туширилди.

 

 

“Бозорда рўй берган ёнғиндан сўнг бу ерни қисқа муддатда аввалгидан ҳам яхши ҳолатга келтириш учун астойдил саъй-ҳаракатлар олиб борилди. Бунинг учун 5 миллиард сўмга яқин маблағ сарфланди. Бозор ва унинг атрофида ободонлаштириш ишлари ҳали яна давом эттирилади”, — деди тадбирда иштирок этган вилоят ҳокими Шавкат Абдураззақов.

 

 

Маълумот учун, Чортоқ деҳқон бозорида жорий йил 5 август куни тонгда юз берган ёнғин оқибатида 6 та дўкон, 35 та савдо растаси ёниб кетганди.