Марказий банк сўнгги 10 йилликдаги миллий валютадаги банк кредитларининг йиллик фоиз ставкалари бўйича маълумот берди.
Фото: “Дарё”
Қайд этилишича, 2013 йил июлида мамлакат банкларидаги кредит фоиз ставкалари 15,8 фоиз бўлган. 2023 йилнинг июль ойида эса бу кўрсаткич 23 фоизга етган. Қолган йилларда (июль ҳолатига) кредитларнинг йиллик фоиз ставкалари қуйидагича бўлган:
- 2014 йилда 16,2 фоиз;
- 2015 йилда 14,2 фоиз;
- 2016 йилда 14,1 фоиз;
- 2017 йилда 15,0 фоиз;
- 2018 йилда 19,9 фоиз;
- 2019 йилда 24,8 фоиз;
- 2020 йилда 20,6 фоиз;
- 2021 йилда 21,3 фоиз;
- 2022 йилда 22,4 фоиз.
Маълумотларга кўра, жорий йилда аҳолининг автокредитлар, микроқарз ҳамда ипотека кредитларига талаби юқори бўлмоқда.
“Ушбу ҳолат уй хўжаликлари ўртасида ўтказилган сўровларда ҳам қайд этилди. Респондентларнинг аксарияти келгусида уй-жой, мебеллар, маиший техника ҳамда автомобиллар хариди учун кредитлар олишини ва харажатлари кўпайишини маълум қилган. Чакана кредитларга бўлган талабнинг ортиб боришига аҳолининг келгусидаги даромадлари ўсиши бўйича ишончларининг ошаётгани асосий сабаблардан бўлмоқда. Ажратилаётган кредитлар, асосан, истеъмолни қўллаб-қувватловчи хусусиятга эга экани келгусида талаб инфляциясининг узоқроқ муддат сақланиб қолиши бўйича сигналлар бермоқда”, — дея маълум қилган Марказий банк раиси Мамаризо Нурмуродов.
Жамоатчилик муҳокамаси учун тақдим этилган “Ўзбекистон-2030” стратегиясида банк соҳаси учун белгиланган мақсадли кўрсаткичлардан бири сифатида кредит фоизларини 10-12 фоизгача пасайтириш кўрсатилган.
Изоҳ (0)